Campus France-ի կողմի կազմակերպված Կովկասյան շրջագայության շրջանակներում մարտի 31-ին՝ ժամը 15։00-ից 18։00-ն Հայաստանի ֆրանսիական ինստիտուտում տեղի կունենա հանդիպում ուսանողների հետ։
Այս առիթով ֆրանսիական 7 բարձրագույն ուսումնական հաստատությունների ներկայացուցիչներ ներկա կլինեն՝ հանդիպելու Հայաստանի ավագ դպրոցների աշակերտների և համալսարանների ֆրանսախոս և անգլախոս ուսանողների հետ։ Սա հիանալի հարթակ է Ֆրանսիայում ուսման հնարավորությունների, դասընթացների ընտրության և կարիերայի հեռանկարների վերաբերյալ անմիջական շփում ունենալու ոլորտի լավագույնների հետ։
Միջոցառման շրջանակում կներկայացվի նաև Ֆրանսիայում բարձրագույն կրթությունը շարունակելու համար ստեղծված Études en France համակարգը, որի ընթացքում կծանոթանաք դիմումի ընթացակարգերին, կրթաթոշակային հնարավորություններին և կստանաք խորհուրդներ Ձեր ուսումնական նախագիծը ճշգրիտ նախաձեռնելու և հաջողությամբ ավարտելու վերաբերյալ։
Ներկա կլինեն հետևյալ բարձրագույն ուսումնական հաստատությունների ներկայացուցիչները՝
- Ստրասբուրգի կառավարման բարձրագույն դպրոց
- Փարիզի ինժեներական բարձրագույն դպրոց
- Դիզայնի, արվեստի և ճարտարապետության BRASSART բարձրագույն դպրոց
- Փարիզի բիզնես դպրոց (ISC)
- CESI ինժեներական բարձրագույն դպրոց
- Բորդոյի Vatel համալսարան (հյուրընկալություն, կառավարում)
- SKEMA բիզնես դպրոց
Մուտքն ազատ է՝ առանց նախապես գրանցվելու։
Հասցե՝ Ամիրյան փ․ 26