Մշակույթ

COP17

29 Հոկ

«Ի՞նչ է մնացել մեր գետերից» պանելային քննարկում

16:00

Դիլիջանի կենտրոնական դպրոց, Մոլդովական փ․ 77

Իմանալ ավելին

Աշխարհում քաղցրահամ ջրերում ապրող տեսակների մեկ քառորդն այսօր անհետացման վտանգի տակ է։ Ի՞նչ է մնացել մեր գետերից, և ինչպե՞ս պահպանել այն կապը, որ ստեղծվում է մեր և գետերի միջև:

Հոկտեմբերի 29-ին՝ հինգշաբթի, ժ. 16:00-ին, Դիլիջանում ֆրանսիացի և հայ հետազոտողներ, պետական կառույցների ներկայացուցիչներ ու արվեստագետներ կքննարկեն սրա շուրջ։ Հրավիրում ենք միանալ նրանց։

Օրը կշարունակվի «Հոսուն բանականություն․ ջրի էկոլոգիան» ցուցահանդեսի այցով և գինու հյուրասիրությամբ Գեղարվեստի ակադեմիայի Դիլիջանի մասնաճյուղում, որը գտնվում է դպրոցի հարևանությամբ։

Երևանից մեկնող մասնակիցների համար նախատեսված է անվճար տրանսպորտ, որը Մատենադարանից կմեկնի ժ․14:00-ին և Դիլիջանից կվերադառնա Երևան ժ․18:30-ին: Տեղերը սահմանափակ են, ամրագրել իմ տեղը ավտոբուսում։

COP17-ի շրջանակներում Հայաստանի ֆրանսիական ինստիտուտի և Գեղարվեստի պետական ակադեմիայի Դիլիջանի մասնաճյուղի կազմակերպած այս քննարկումը կբացի Կենսաբազմազանության ֆրանսիական գրասենյակի (OFB) գլխավոր տնօրեն Օլիվիե Տիբոն։ Այնուհետև Սիրիլ Բարներիաս, Նայիրի Խաչատուրեան և Կարապետ Գազանճեան կկիսվեն իրենց տեսակետներով՝ պետական քաղաքականությունից մինչև հետազոտություն և արվեստ։ Քննարկումը կվարի Աննա Գարգարյանը։ Վերջում կլինի հարց ու պատասխան հանդիսատեսի հետ։

Մուտքն ազատ է, ֆրանսերեն-հայերեն համաժամանակյա թարգմանությամբ։

Գործընկերներ՝ Հայաստանի Պետական Գեղարվեստի ակադեմիա, HEAR Ստրասբուրգ, Դիլիջանի կենտրոնական դպրոց և Տուշպա x Lab

COP17

Կինո, ցուցահանդեսներ, պանելային քննարկումներ և հանդիպումներ. Հայաստանի ֆրանսիական ինստիտուտը հրավիրում է Ձեզ ծանոթանալու կենսաբազմազանությանը նվիրված իր հարուստ մշակութային ծրագրին Երևանում, Ջրվեժում և Դիլիջանում։

Հոսուն բանականություն․ ջրի էկոլոգիան
Ցուցահանդես՝ հոկտեմբերի 17-ից նոյեմբերի 9-ը Բացման արարողություն՝ հոկտեմբերի 17-ին, ժ. 16:00-ին
Հայաստանի գեղարվեստի պետական ակադեմիա (Դիլիջանի մասնաճյուղ), Էմմա Ծատուրյան փողոց, 1, Դիլիջան

Հայացք դեպի վայրի աշխարհ․ Վենսան Մյունիեի լուսանկարների ցուցահանդես
Ցուցահանդես՝ 2026 թ. հոկտեմբերի 19-ից նոյեմբերի 19-ը
Բացման արարողությունը՝ հոկտեմբերի 24-ին, ժ․ 11:00-ին Վենսան Մյունիեի մասնակցությամբ
Վարդանյանների այգի, Իտալիայի փողոց, 2, Երևան

Կենսաբազմազանությանը նվիրված ֆրանսիական ֆիլմերի փառատոն
Կինոփառատոն՝ 2026 թ. հոկտեմբերի 23–30-ը
Մոսկվա կինոթատրոն, COP17-ի Կանաչ գոտի, Վարդանյան այգի, Woods Center

Վարպետության դաս Մոմոկո Սետոյի հետ
Վարպետության դաս և «Խատուտիկի ոդիսականը» ֆիլմի ցուցադրություն՝ շաբաթ՝ 2026 թ. հոկտեմբերի 24-ին, ժամը 14:30–17:00
ԹՈՒՄՈ ստեղծարար տեխնոլոգիաների կենտրոն, Հալաբյան փողոց, 16, Երևան

Անտառի արձագանքները․ միջոցառումների օր
Պանելային քննարկում, աշխատարաններ, ֆիլմդիտում, համերգ և ցուցահանդես՝ հոկտեմբերի 25-ին, կիրակի, ժ․ 14:00–21:30
Woods Center, Ջրվեժ

Ի՞նչ է մնացել մեր գետերից
Պանելային քննարկում՝ 2026 թ. հոկտեմբերի 29-ին, ժ․ 16:00-ին
Հայաստանի գեղարվեստի պետական ակադեմիա (Դիլիջանի մասնաճյուղ), Էմմա Ծատուրյան փողոց, 1, Դիլիջան

Կատարողական արվեստ

Սերժ Ավետիքյանի կողմից Երկլեզու դրամատիկական արվեստանոցի ստեղծման օրվանից Հայաստանի ֆրանսիական ինստիտուտն աջակցում է վերջինիս աշխատանքներին։ Այն երիտասարդ հայ դերասաններին հնարավորություն է տալիս վերապատրաստում անցնել Ֆրանսիայում, ինչպես նաև մասնակցել Երևանում, Գյումրիում և Փարիզում ֆրանսիացի հայտնի մասնագետների (Սիմոն Աբգարյան, Արիան Ասկարիդ, Ստեֆան Բրոնշվեյգ և Պիեռ Պրադինա) ղեկավարությամբ անցկացվող աշխատարաններին։ 2023-2024 թթ.-ին սպասվող երրորդ խաղաշրջանը կանցկացվի Երևանի թատրոնի և կինոյի պետական ինստիտուտում, որն Ինստիտուտի առանցքային գործընկերներից է։

Այս տարի Ինստիտուտը Սունդուկյանի անվան ազգային ակադեմիական թատրոնի հետ համատեղ կկազմակերպի Երևանյան միջազգային թատերական փառատոնի առաջին թողարկումը, որի շրջանակներում հոկտեմբերի 22-ին ներկայացմամբ հանդես կգա «Օդեոն» ազգային թատրոնը։

Հայաստանի ֆրանսիական ինստիտուտը նաև Հայաստանում ժամանակակից պարի զարգացման մասնակիցն է և կանոնավոր կերպով աջակցություն է ցուցաբերում SumMeet փառատոնին, որի շրջանակներում 2023 թ.-ին հանդես եկավ Վանգ և Ռամիրես ֆրանսիական պարախումբը։ Իսկ 2024 թ.-ին Ինստիտուտը կհովանավորի ֆրանսիական հիփ-հոփի առաջատարներից մեկի՝ պարուսույց Մուրադ Մերզուկիի ֆրանս-հայկական հերթական ստեղծագործությունը՝ նվիրված Սերգեյ Փարաջանովի հարյուրամյակին։

Երաժշտություն

Գիրք/Բանավեճ

Հայաստանի ֆրանսիական ինստիտուտը և Փարիզի ֆրանսիական ինստիտուտը հայ հրատարակիչներին առաջարկում են Հրատարակության oժանդակության ծրագիրը, որը միտված է աջակցելու ֆրանսիական գրականության, հումանիտար և հասարակական գիտությունների երկերի հայերեն թարգմանությանը և հրատարակմանը: Ծրագրի միջոցով Պատմության & մշակույթ հիմնադրամի կողմից 2022 թ.-ին հրատարակվել են Ֆրանսիական սոցիոլոգիական դպրոցի վարպետներից մեկի՝ Պիեռ Բուրդյոյի երկու երկ։ 2023 թ.-ին Ինստիտուտն աջակցում է Անտարես հրատարակչությանը՝ 2022 թ.-ի Նոբելյան մրցանակի դափնեկիր Աննի Էռնոյի մի քանի գրքերի, իսկ Ակտուալ արվեստ հրատարկչությանը՝ Մարգըրիտ Դյուրասի ստեղծագործությունների հրատարակման գործում։

Գաղափարների տարածումը և երկխոսության զարգացումը ենթադրում են նաև քննարկումների ու բանավեճերի կազմակերպում ժամանակակից հիմնախնդիրների շուրջ։

2022 թ.-ին «Գաղափարների գիշեր»-ի շրջանակներում քաղաքացիական հասարակության ներկայացուցիչներն ու գիտնականները միասին քննարկեցին Հայաստանի քաղաքացիական հասարակության դերը «(Վերա)կառուցել միասին» թեմայով:

ՀՀ հիմնական համալսարաններում՝ Երևանի պետական համալսարանում, Բրյուսովի անվան համալսարանում, ՀՖՀՀ-ում և Ամերիկյան համալսարանում, կազմակերպում է ֆրանսիացի հետազոտողների զրույցների շարք։ 2022 թ.-ին սոցիոլոգներ Միշել Վիվիորկային և Ժիզել Սապիրոյին, ինչպես նաև աշխարհագրագետ Ժան Ռադվանիին հրավիրելուց հետո, 2023 թ.-ին Ինստիտուտը քննարկումներ կազմակերպեց հայ-թուրքական նոր հարաբերությունների պայմանների վերաբերյալ՝ նախ ՀՖՀՀ-ում՝ Չենգիզ Աքթարի և Էմիլ Օրդուխանյանի մասնակցությամբ, իսկ այնուհետև նաև «Արդար թուրքերը. մի չափազանց երկար լռություն» վավերագրական ֆիլմի ցուցադրություն-քննարկում Կինոյի տանը՝ ռեժիսորներ Լորանս Դ'Հոնդտի և Ռոմեն Ֆլորիի մասնակցությամբ:

Կինո

Հայաստանի ֆրանսիական ինստիտուտը կինոյի ոլորտում երկու հիմնական նպատակ ունի.

- Համագործակցություն և փորձի փոխանցում, մասնավորապես՝ Ֆրանսիայի ազգային կինոկենտրոնի կողմից իր հայաստանյան գործընկերոջը՝ Հայաստանի ազգային կինոկենտրոնին տրամադրվող խորհրդատվությունները ֆիլմերի ֆինանսավորման ոլորտում օրենսդրության փոփոխությունների վերաբերյալ։ Սա կարող է նպաստել երկու երկրների միջև համատեղ արտադրության մասին համաձայնագրի ստորագրմանը, ինչպես նաև աջակցել Եվրասիադոկ ծրագրին, որը թույլ է տալիս վավերագրական կինոյի հայ երիտասարդ հեղինակ ռեժիսորներին ու պրոդյուսերներին մասնակցել ֆրանսիացի փորձագետների կողմից կազմակերպվող աշխատաժողովներին և ներկայանալ միջազգային փառատոների:

- Ժամանակակից ֆրանսիական կինոյի խթանում և տարածում հայերեն ենթագրերով։

Ֆրանկոֆոնիայի օրերի շրջանակում Ինստիտուտը Բելգիայի, Շվեյցարիայի և Կանադայի դեսպանությունների հետ համատեղ կազմակերպում է Ֆրանկոֆոն ֆիլմերի փառատոն Մոսկվա կինոթատրոնում։ 2023 թ.-ին փառատոնն անցկացվեց 6-րդ անգամ։

Ինստիտուտը համագործակցում է նաև տեղական ամենահայտնի ու գլխավոր կինոփառատոնների հետ, ինչպիսիք են՝

Ոսկե ծիրան միջազգային կինոփառատոնը, որի 20-րդ թողարկման պատվավոր հյուրերն էին Դարդեն եղբայրները, իսկ ռեժիսոր Կլեր Սիմոնը միջազգային ժյուրիի անդամ էր։ Նույն փառատոնի շրջանակներում կազմակերպվեցին նաև 2023 թ.-ի Կաննի փառատոնի Ոսկե արմավենու ճյուղի դափնեկիր «Անկման անատոմիա» (ռեժ.՝ Ժյուստին Տրիե) ֆիլմի առաջնախաղ-ցուցադրությունները։

ՌեԱնիմանիա միջազգային կինոփառատոնը, որն Անսիի անիմացիոն ֆիլմերի հայտնի փառատոնի գործընկերն է։

Ռոլան մանկապատանեկան ֆիլմերի փառատոնը։

ԿԻՆ միջազգային փառատոնը, որը ներկայացնում է կին ռեժիսորների ստեղծագործությունները։

2022 թ.-ից Ազգային գրադարանում «Ֆիլմադարան» հայկական կինոդարանի հետ գործընկերությամբ գործում է նաև կինոակումբ, որի շրջանակներում ամսական երկու անգամ կազմակերպվում են ցուցադրություններ։ Ինստիտուտն աջակցում է նաև «Խաղաղության էկրաններ» ասոցիացիայի աշխատանքներին, որը ֆիլմեր է ցուցադրում ԿԱԶԱ հիմնադրամի Գյումրու կենտրոնում և Շիրակի մարզի գյուղերում։ Հետագայում Ինստիտուտն աշխատելու է նաեւ Սյունիքի մարզում ֆրանսիական կինոյի առաջխաղացման ուղղությամբ։

Տեսողական արվեստ

Հայաստանի ֆրանսիական ինստիտուտը պարբերաբար համագործակցում է ՆՓԱԿ-ի և Գաֆէսճեան ժամանակակից արվեստի կենտրոնների հետ, որտեղ էլ 2023 թ.-ի ապրիլի 14-ից հունիսի 25-ը տեղի ունեցավ «Ասեղնագործ մեղեդիներ. Ձայնային ճամփորդություն Ալեքսիս Պոլի հետ» խորագիրը կրող ցուցահանդես-ներկայացումը։ Այն երկու ժողովրդական մշակույթների՝ ֆրանսիական փողոցային երգեհոնի և հայկական ասեղնագործության բանաստեղծական մի խաչմերուկ էր՝ ժամանակակից և փորձարարական մեկնաբանությամբ:

Ինստիտուտն աջակցում է «Մշակույթների երկխոսություն» ընկերության կողմից կազմակերպված Գեղարվեստական տպագրության միջազգային բիենալեին ֆրանսիական մասնակցությանը: 2023 թ.-ին տեղի ունեցած 4-րդ բիենալեի պատվավոր հյուրն ու բանախոսներից էր Սարսելյան փորագրության միջազգային բիենալեի համադրող Ժան-Պիեռ Տանգին, իսկ ֆրանսիացի արվեստագետներից մեկը դարձավ մրցանակակիր։ Հարկ է նշել, որ այս տարի Հայաստանը Սարսելյան բիենալեի հրավիրյալ երկրների մեկն է։

Ինստիտուտը գործում է նաև ի նպաստ Հայաստանում ֆրանսիացի արվեստագետների ռեզիդենցիաների։ 2023թ.-ին ՄԵՆՔ ծրագրի շրջանակում ֆրանսիացի արվեստագետներ Ֆլորենս Օբրեխտն ու Ակսել Փահլավին ռեզիդենցիայի հնարավորություն ունեցան Երևանում և Գյումրիում։ Իսկ 2024 թ.-ին հայ արվեստագետների համար ռեզիդենցիայի շարունակական ծրագիր կմեկնարկի Մարսելի La Friche la Belle de Mai մշակութային կենտրոնում։ Նախագիծը կիրականացվի «Մշակույթների երկխոսություն» կազմակերպության հետ գործընկերությամբ։

Նախորդ միջոցառումներ

Անտառի արձագանքները․ միջոցառումների օր

Քննարկումներ, աշխատարաններ, կինոդիտում, համերգ և ցուցահանդես

հոկտեմբերի 25, 14:30–21:30 (կիրակի)

Քննարկումներ, աշխատարաններ, կինոդիտում, համերգ և ցուցահանդես հոկտեմբերի 25, 14:30–21:30 (կիրակի)
Woods Center, Ջրվեժ

Ծրագիր՝

● Ցուցահանդես (ողջ կեսօրին, պաշտոնական բացում՝ ժամը 16:00-ին)

○ OCHRE–ENSAD. Ուրֆայի գործվածքի տեխնիկաները

○ Վալենտինա Դավիթավյան, Rambalkoshe կոլեկտիվի արվեստագետ

● 14:30–16:30՝ «Կենսաբազմազանության որմնանկար» աշխատարան, վարում է Արթուր Կարաբեդյանը

● 16:45–18:15՝ Վենսան Մյունիեի Ձյունահովազ ֆիլմի ցուցադրություն հայերեն և անգլերեն ենթագրերով

● 18:45–20:15՝ «Ներկայացնելով կենդանի աշխարհը» պանելային քննարկում

○ Մոմոկո Սետո՝ ճապոնացի ռեժիսոր և գիտական կինոյի հեղինակ։ 2006 թ.-ից աշխատում է CNRS-ում որպես հետազոտող-ինժեներ, ստեղծում է գիտական վավերագրական ֆիլմեր և դիմանկարներ։ 2021 թ.-ին արժանացել է CNRS-ի Բյուրեղյա մեդալի

○ Վենսան Մյունիե՝ ռեժիսոր և լուսանկարիչ

○ Մարիաննա Կարապետյան՝ Electric Architects-ի և Monotopia-ի հիմնադիր, ճարտարապետ և դիզայներ, Ջրվեժի անտառի նախագծի ճարտարապետ

○ Վարող՝ Կարեն Ավետիսյան, «Ոսկե ծիրան» փառատոնի գեղարվեստական ղեկավար

● 20:30–21:30՝ Համերգային ծրագիր Մարտին Շահբազյանի հետ

Հայաստանի ֆրանսիական ինստիտուտ, Rambalkoshe, Woods Center

Վարպետաց դաս ռեժիսոր Մոմոկո Սետոյի հետ

Հայացք դեպի վայրի աշխարհ․ Վենսան Մյունիեի լուսանկարների ցուցահանդես

Կենսաբազմազանությանը նվիրված ֆրանսիական կինոփառատոն

Կինոփառատոն – 2026 թ. հոկտեմբերի 23–30-ը

Ֆրանսիական ֆիլմեր նվիրված կենդանի աշխարհին և կենսաբազմազանությանը, որոնց կուղեկցեն հանդիպումներ (հարցուպատասխան) և վարպետաց դասեր երկու բացառիկ հյուրերի՝ «Խատուտիկի ոդիսականը» ֆիլմի ռեժիսոր Մոմոկո Սետոյի և ռեժիսոր Վենսան Մյունիեի հետ։

Ֆիլմերը՝ հայերեն և անգլերեն ենթագրերով։

Հոկտեմբերի 23 | 19:00 – Մոսկվա կինոթատրոն, Կարմիր դահլիճ, Աբովյան 18

Խատուտիկի ոդիսականը (2025, 1ժ25ր) – Մոմոկո Սետո

Փառատոնի բացում, որին կհաջորդի հարցուպատասխան ռեժիսորի հետ

Հոկտեմբերի 24 | 19:00 – Մոսկվա կինոթատրոն, Կարմիր դահլիճ, Աբովյան 18

Անտառների երգը (2025, 1ժ35ր) – Վենսան Մյունիե

Ցուցադրությանը կհաջորդի քննարկում ռեժիսորի հետ

Հոկտեմբերի 25 | 19:00 – Մոսկվա կինոթատրոն, Կարմիր դահլիճ, Աբովյան 18

Կենդանիների թագավորությունը (2023, 2ժ08ր) – Թոմա Քայե

Հոկտեմբերի 25 | 16:45 – Woods Center, Ջրվեժ

Հոկտեմբերի 30 | 18:00 – COP17-ի Կանաչ գոտի, գլխավոր բեմ, Ծիծեռնակաբերդի այգի 1

Ձյունահովազ (2021, 1ժ32ր) – Մարի Ամիգե և Վենսան Մյունիե

Հոկտեմբերի 27 | 16:00 – Երևանի 2750-ամյակի այգի, Քաղաքային կենսաբազմազանության գոտի

Հոկտեմբերի 30 | 15:00 – COP17-ի Կանաչ գոտի, գլխավոր բեմ, Ծիծեռնակաբերդի այգի 1

Բարև, աշխարհ (2019, 1ժ01ր) – Ան-Լիզ Քյոլեր և Էրիկ Սեր

SunChild միջազգային բնապահպանական կինոփառատոնի, Երևանի քաղաքապետարանի և Մոսկվա կինոթատրոնի հետ համագործակցության շրջանակներում

Իմանալ ավելին

Կենսաբազմազա- նության COP17-ին նվիրված ֆրանսիական մշակութային ծրագիր

Հոսուն բանականություն․ ջրի էկոլոգիան

Ֆրանկոֆոն կինոյի 9-րդ փառատոն. «Անտառի երգը» (2025թ․)

Ֆրանկոֆոն կինոյի 9-րդ փառատոն. «Հանուն Ադամի» (2025թ․)

Ֆրանկոֆոն կինոյի 9-րդ փառատոն. «Օտարը» (2025թ․)

Ֆրանկոֆոն կինոյի 9-րդ փառատոն. «Շան դատավարությունը» (2024թ․)

Ֆրանկոֆոն կինոյի 9-րդ փառատոն. «Երիտասարդ մոր տունը» (2025թ․)

Ֆրանկոֆոն կինոյի 9-րդ փառատոն. «Բորգո» (2023թ․)

Ֆրանկոֆոն կինոյի 9-րդ փառատոն. «Ջիմի պատմությունը» (2024թ․)

Ֆրանկոֆոն կինոյի 9-րդ փառատոն. «Մաքսանենգը» (2021թ․)

Ֆրանկոֆոն կինոյի 9-րդ փառատոն. «Ապագայի գալուստը» (2025թ․)

Երաժշտության տոնը Գորիսում

Ցուցադրություն․ «Փորագիր կանգառներ»

2024թ․-ի Ֆրանկոֆոնիայի օրերի փակման համերգ

Արմմոնո փառատոն․ «Էդա»

Ցուցադրություն․ «Զրույցներ եղեգի հետ»

Համերգ Ֆրանկոֆոնիայի օրերի շրջանակներում

Ֆրանկոֆոն կինոյի 7-րդ փառատոն. «Փոքրիկ Նիկոլան. ի՞նչ է պետք երջանիկ լինելու համար» (2022թ․)

Ֆրանկոֆոն կինոյի 7-րդ փառատոն. «Աննիի զայրույթը» (2022թ․)

Ֆրանկոֆոն կինոյի 7-րդ փառատոն. «Շան տղա» (2023թ․)

Ֆրանկոֆոն կինոյի 7-րդ փառատոն. «Շների և իտալացիների մուտքն արգելված է» (2022թ․)

Ֆրանկոֆոն կինոյի 7-րդ փառատոն. «Կենդանիների թագավորությունը» (2023թ․)

«Նռան գույնը» պարային ներկայացում

SUMMEET: We are monchichi

Երաժշտության տոն 2023

Հայաստանի ազգային կամերային նվագախմբի համերգ

Ասեղնագործ մեղեդիներ. Ձայնային ճամփորդություն Ալեքսիս Պոլի հետ

Հայաստանի պետական կամերային երգչախումբ, Կոմիտասի անվան ազգային քառյակի համերգ

Ֆրանկոֆոն կինոյի 6-րդ փառատոն. «Արջերի հանրահայտ ներխուժումը Սիցիլիա» (2019թ.)

Ֆրանկոֆոն կինոյի 6-րդ փառատոն. «Մագնիսական ռիթմեր» (2021թ.)

Ֆրանկոֆոն կինոյի 6-րդ փառատոն. «Արթուր Ռամբո» (2021թ.)

Ֆրանկոֆոն կինոյի 6-րդ փառատոն. «Վերահսկողությունից դուրս» (2022թ.)

Ֆրանկոֆոն կինոյի 6-րդ փառատոն. «Լրիվ դրույքով» (2022թ.)

Հայաստանի ազգային կամերային նվագախմբի համերգ

«Ուրախության օրեր», Օդեոն - Եվրոպայի թատրոն