Ընդհանուր ֆրանսերեն

Դասընթացներ մեծահասակների համար

Ամսաթիվ

Մեկնարկը՝ սեպտեմբերի 22

Տևողություն

1ժ 30ր

Կուրս

10 շաբաթ

Ընտրե՛ք դասընթացը

Հաճախականություն

Շաբաթական 2 դաս

Մասնակիցների քանակը

6-12

Ընտրել մակարդակը

A1 A2 B1 B2

10%

Դասընթացի արժեքը 45,000 ֏

Գրանցվել

Մեծահասակների համար նախատեսված այս դասընթացը թույլ է տալիս տիրապետել ֆրանսերենին կամ բարելավել ֆրանսերենի իմացության մակարդակը՝ կյանքի բոլոր իրավիճակների համար (անձնական կամ մասնագիտական նախագծեր, ճամփորդություն, ընդհանուր գիտելիքներ և այլն)։

Մակարդակը տարորոշող անվճար թեստը հնարավորություն է տալիս ձևավորել սովորողների միատարր խմբեր։

Ուշադրություն․ Խմբային դասընթացների գները չեն ներառում դասագրքերի արժեքը:

2026թ.-ի դասընթացների երրորդ փուլի գրանցումները բաց են մինչև սեպտեմբերի 10-ը ներառյալ:

Մակարդակ	Օր և ժամ
A1 (խումբ 1)	երեքշաբթի և ուրբաթ՝ 18:30-20:00
A1 (խումբ 2)	երկուշաբթի և հինգշաբթի՝ 14:30-16:00
A2	չորեքշաբթի՝ 18:30-20:00 շաբաթ՝ 14:30-16:00
B1	չորեքշաբթի՝ 18:30-20:00 շաբաթ՝ 14:30-16:00
B2	երեքշաբթի և ուրբաթ՝ 18։30-20։00

Տարորոշման թեստ

Ստուգե՛ք ֆրանսերենի իմացության Ձեր մակարդակը՝ Ձեր կարիքներին լավագույնս համապատասխանող դասընթաց ընտրելու նպատակով։

Ստուգեք Ձեր գիտելիքները

Լեզվական մակարդակներ և հմտություններ

Տարրական հաղորդակցություն

Սովորողը կարողանում է հասկանալ և օգտագործել ծանոթ և առօրյա արտահայտություններ, ինչպես նաև շատ պարզ նախադասություններ՝ կոնկրետ կարիքներ բավարարելու համար: Նա կարողանում է ներկայանալ կամ ներկայացնել որևէ մեկին, հարցեր տալ պարզ թեմաներով, օրինակ՝ տեղեկություններ հարցնել բնակության վայրի, ազգության, նախասիրությունների և տնօրինած իրերի վերաբերյալ, նա կարողանում է ինքն էլ պատասխանել նմանատիպ հարցերի:

Հաղորդակցություն սովորական իրավիճակներում

Սովորողը կարողանում է հասկանալ առանձին նախադասություններ, ինչպես նաև հաճախակի օգտագործվող արտահայտություններ, հատկապես՝ իրեն առնչվող և առաջնահերթ այնպիսի թեմաներ արծարծելիս, ինչպիսիք են պարզագույն անձնական և ընտանեկան տեղեկությունները, գնումները, անմիջական և մասնագիտական միջավայրը: Նա կարողանում է արդյունավետ շփվել պարզ և սովորական այնպիսի հանձնարարություններ կատարելիս, որոնք պահանջում են ծանոթ և ընդհանուր թեմաների շուրջ տեղեկատվության ուղղակի և պարզ փոխանակում: Բացի այդ, նա կարողանում է պարզ ձևով խոսել իր կրթության և իր անմիջական միջավայրի մասին ու քննարկել հրատապ կարիքների բավարարմանն ուղղված թեմաներ:

Միջին մակարդակի հաղորդակցություն

Աշխատանքի, դպրոցի, հանգստի և այլնի հետ կապված ծանոթ թեմաների մասին պարզ, ստանդարտ լեզվով զրույցներում սովորողը կարողանում է հասկանալ այդ զրույցների հիմնական կետերը: Նա հաջողությամբ հաղորդակցվում է թիրախային լեզվի օգտագործման տարածաշրջաններում ճամփորդելիս։ Բացի այդ, կարողանում է պարզ և կապակցված խոսք կառուցել ծանոթ թեմաների շուրջ և իր հետաքրքրությունների ոլորտներում: Նա կարողանում է պատմել որևէ իրադարձության, փորձառության կամ երազանքի մասին, ձևակերպել իր հույսը կամ նպատակը և հակիրճ ներկայացնել որևէ նախագծի կամ գաղափարի հիմնավորումները կամ բացատրությունները:

Ազատ հաղորդակցություն և թեմաների տիրապետում

Սովորողը կարողանում է հասկանալ բարդ տեքստերի, այդ թվում՝ իր մասնագիտությանը վերաբերող տեխնիկական բնույթի քննարկումների թեմաների հիմնական բովանդակությունը՝ անկախ այն բանից, թե այն կոնկրետ է, թե վերացական: Նա կարողանում է շփվել այնքան հանպատրաստի կերպով և այնպիսի դյուրությամբ, որ լեզվակրի հետ զրույցը լարվածություն չի ստեղծում ո՛չ իր, ո՛չ էլ վերջինիս համար։ Բացի այդ, նա կարող է հստակ և մանրամասն կերպով արտահայտվել բազմազան թեմաների շուրջ, կարծիք հայտնել արդիության հարցերի վերաբերյալ և բացատրել տարբեր հնարավորությունների առավելություններն ու թերությունները:

Լեզվի տիրապետում և ինքնուրույն հաղորդակցություն

Սովորողը կարողանում է հասկանալ տարատեսակ երկար և բարդ տեքստեր՝ ընդհուպ ընկալելով ուղերձների ներակա իմաստները: Նա կարողանում է հանպատրաստից և սահուն կերպով արտահայտվել, առանց ստիպված լինելու որոնել բառերը: Լեզուն արդյունավետ և ճկուն կերպով օգտագործում է սոցիալական, մասնագիտական կամ ակադեմիական կյանքում: Բացի այդ, օգտատերը կարող է հստակ կերպով խոսել բարդ թեմաների մասին՝ ցույց տալով, որ տիրապետում է խոսքի կազմակերպման, արտաբերման և ներդաշնակման գործիքներին: